Vegna forfall verður onki opið hús í kvøld.

Opið hús heldur annars framm til mikukvøldið 9. mars.

Várið er í nánd, og stundin er komin til at halda veitslu fyri okkum øllum, sum búgva Inni á Gøtu.

Fríggjakvøldið 11. mars kl. 19 verður veitsla í býlingshúsinum Inni á Gøtu. Kokkurin, Magni Garðalíð av Húsum, borðreiðir við góðum mati. Drekkivørur verða til matin.

Tú meldar teg til veitsluna við at flyta kr. 100 á konto 9181-1667213, í seinasta lagi 6. mars. Minst til at upplýsa navn og bústað.

Umleið 70 børn vóru í býlingshúsinum í dag til eitt sera væl eydnað føstulávintstiltak har m.a. føstulávintsbollar, karamellur, kakao og sunkist vóru at fáa. Stóra takk til tykkum øll sum møttu.

Nakrar myndir frá degnum eru lagdar út á facebook síðuna hjá eigarafelagnum her: https://www.facebook.com/inniagotu/posts/968825906533755

Føstulávintshald verður í Býlingshúsinum leygardagin 6. februar kl. 14. Kaffi, te, sunkist og føstulávintsbollar vera at fáa eftir tunnuslátturin. Læs videre Føstulávintshald leygardagin 6. februar →

Kyndlar: Í kvøld 30. dec kl 19 hava vit øll høvi at gera kyndlar til kyndlagonguna í annaðkvøld. Vit møtast í Býlingshúsinum. Havi okkurt “toy” ella “stoff” við tykkum, td eitt gamalt lak, buksur ella líknandi uttan nylon. Tað allarbesta er hessian.

Nýggjárshald 31. dec kl 22

Nýggjárshaldið Inni á Gøtu byrjar við kyndlagongu kl 22 nýggjársaftan frá vendiplássinum við Býlingshúsið. Vit ganga inn eftir Ovarugøtu og út aftur eftir Niðarugøtu, har vit enda við at seta eld á nýggjársbálið í Klingruni. Í ár verður tað Jústines Eidesgaard frá Ovarugøtu 1, sum fer at halda nýggjársrøðuna.

Vit hava brúk fyri hjálp til fyrireiking av bálinum og blikkum. Hetta tekur umleið 1 tíma, um vit eru væl mannað. Vit møtast við bálplássið á Klingruni kl 13. Tikið verður ímóti brenni til bálið frá kl 13 nýggjársaftan.

Gott nýggjár

Mangan hava teir keyptu kyndlarnir roynst okkum illa til kyndlagongu gamlaárskvød Inni á Gøtu. Eigarafelagið fer tí, sum eina roynd, at bjóða inn til at gera haldgóðar kyndlar.

Læs videre Kyndlar gamlaárskvøld →

Hey Gøtubúgvar.

Listin er dagførdur eitt petti framm og er at finna her. Um tað verða broytingar í listanum, so verður tað lýst her á heimasíðuni. Læs videre Opið hús er byrjað aftur →

Í samband vid at hjúnini Michael og Lynn Reveal flyta av landinum, skipar Eigarafelagið inni á Gøtu fyri eini óformellari hugnaløtu hóskvøldið 4. juni kl 20 í Býlingshúsinum, har høvi verdur at siga teimum farvæl og fáa ein kaffimunn og køku.

Øll eru hjartaliga vælkomin.

Ruddingardagur verður í morgin, leygardagin 9. mai. Vit møtast klokkan 10 í Býlingshúsinum til kaffi/te, sunkist og kringlu.

Síðani verður farið ta vanligu rutuna at rudda sítt øki. Veðrið sær út til at blíva hampuligt, so vónandi verða vit nógv at taka eina hond í.

Nevndin.

Vit skulu minna á, at ársaðalfundurin hjá Eigarafelagnum Inni á Gøtu verður hóskvøldið 23. apríl kl. 20 í Býlingshúsinum Inni á Gøtu.

Vit hava søkt eftir trimum fúsum fólkum at stilla upp til nevndina, sum skal veljast á aðalfundinum. Tíbetur eru vit so heppin at tað eru fleiri fólk sum hava valt at stilla upp til at umboða okkum. Øll eru framvegis hjartaliga vælkomin at stilla upp og at møta upp at atkvøða.

Á fundinum verður eisini uppskot um broyting í antennuviðurskiftunum.

Kom við og hav ávirkan á títt nærumhvørvi.

Nevndin