Vit møtast kl. 10 uttanfyri Býlingshúsið, har kaffi og kringla verður at fáa,
síðani verður fari út á økini at rudda. Eins og vit hava gjørt undanfarin ár, so er eisini møguleiki fyri at hampa um fríøkini í býlinginum.
Eigarafelagið skaffar nakrar plantur, og um nakar hevur nøkur ávís ynskir um plantur til fríøkini, ber til at siga nevndini frá 
Umsíður kom lógaruppskotið til fjarhitaveiting, sum vit hava saknað í so mong ár! Eitt lógaruppskot, sum skal fáa skil á prísáseting og onnur viðurskiftið viðvíkjandi fjarhita.
Lógaruppskotið sæst HER
Brúkarafelag okkara Skynsamur Fjarhiti, sum er felagsskapur fyri 14 eigarafeløg í Tórshavnar kommunu við fjarhitabrúkarum, hevur kannað lógaruppskotið. Nógv gott er í lógaruppskotinum, men partar av uppskotinum eru rættiliga órógvandi.
Hoyringarsvarið frá okkum til Umhvørvismálaráðið sæst HER
Leygardagin 13. mei er árligi ruddingardagurin og vit fara at rudda og fríðka um inni á Gøtu.
Nógvu stormarnir í vetur síggjast aftur í grannalagnum og nógvastadni er brúk fyri eini vinaligari hond at rudda, lúka og hampa um.
Vit møtast sum vant kl. 10 í Býlingshúsinum til kaffi/te, sunkist og kringlu.
Vit vóna at veðrið verður okkum til vildar og vónandi verða vit nógv at taka eina hond í.
Aðalfundur verður í Eigarafelagnum TÝSKVØLDIÐ 28. mars kl 20. Skrá sambært viðtøkunum.
Ynskir tú, at eitt mál verður viðgjørt á aðalfundinum, vinarliga boða nevndini frá innan 26. mars. Send teldupost til nevnd@inniagotu.org.
Hevur tú hug til at geva eitt íkast til trivnaðin Inni á Gøtu við at luttaka í nevndararbeiði ella arbeiðsbólki? Kom við á aðalfundin mikudag 28. mars
Sambært Tórshavnar kommunu, so hava borgarar sjálvir ábyrgdina av at halda sítt øki og gongubreytini framman fyri sína ogn ruddað og saltaða.
Býlinga- og íbúðarvegir koma seinast í røðini av vegum, ið verða ruddaðir og saltaðir av kommunu. Vit í nevndini vilja tískil heita á allar íbúgvar um at taka sær salt úr saltkassunum, sum standa framvið vegunum, soleiðis at tað er klárt at brúka, tá ið frostið kemur. Er saltkassin tómur, ber til at boðað kommununi beinleiðis frá á www.torshavn.fo ella send eina áheitan til okkum í nevndini, so bera vit boðini víðari.
Um nógvur kavi legst, eru somu treytir galdandi. Rúm tíð kann ganga, áðrenn maskinur frá kommununi koma at grava, og tí hava vit sjálvi ábyrgdina av at tað er ráðiligt at koyra, áðrenn farið verður avstað. Um vit eru fleiri, sum fara út við spakanum, verður lættari hjá okkum øllum at ferðast trygt.
Sí nærri kunning um skyldur hjá borgarum og kavaruddingina hjá kommununi á:
Nevndin hevur kannað møguleikan at fáa privatan veitara at taka sær av kavaruddingini í býlinginum, men hendan loysnin er alt ov kostnaðarmikil fyri felagið. So góðu tit øll, lat okkum hjálpast at við at halda býlingin tryggan bæði fyri koyrandi og gangandi nú í vetur.
At enda vilja vit heita á íbúgvar um yvirhøvur at vísa varsemi og ansa eftir ikki at seta bilar í sving og onnur støð, har sýnið verður ringt. Parkeringsviðurskiftini eru avmarkað, og tí er umráðandi, at húskir við fleiri bilum enn tey hava pláss fyri í egnum túni parkera soleiðis, at bilarnir standa til so lítlan ampa fyri ferðsluna sum til ber.
Mikukvøldið 23. novembur kl. 19-21 verður jólahugni í Býlingshúsinum, har vit fara at gera jóladekoratiónir. Bæði vaksin og børn eru hjartaliga vælkomin. Vit skaffa grann, leir o.a. Eigarafelagið bjóðar drekkamunn, og vit vóna at nógv leggja leiðina framvið Býlingshúsinum.
Leygardagin 7. mai er árligi ruddingardagurin, tá vit fara at rudda, lúka og fríðka um Inni á Gøtu.
Kl. 9 bjóða vit morgunbreyð, kaffi/te, og sunkist uttanfyri býlingshúsið og kl. 11 verður wienarbreyð, kaffi/te og sunkist.
Vit vóna, at veðrið verður okkum til vildar, og at vit verða nógv at taka eina hond í at rudda og fríðka um Inni á Gøtu.
Hey góðu grannar. Aftur í ár er korona-smittutrýstið høgt, og vit mugu gera alt, sum vit kunnu fyri at fylgja tilmælum í sambandi við nýggjárshaldið Inni á Gøtu. Nýggjárshaldið er uttandura, og vit meta, at tað ber til at halda frástøðu.Við góðum ráðum fyrireika vit tí nýggjársbál á Klingruni, – sama stað, sum vit plaga.
Hóskvøldið 30. des kl 19 kunnu fólk avheinta tilfar til faklar uttanfyri býlingshúsini og gera faklarnar klárar heima.Fríggjadagin 31. des kl 13 kunnu sjálvboðin koma og hjálpa til við at byggja upp nýggjársbálið í Klingruni. Gomul jólatrø kunnu leggjast afturat eisini. Tað er gott, um onkur hevur bil at koyra plattar við.Kyndlagongan byrjar uttanfyri býlingshúsini gamlaárskvøld 31.des kl 21. Vit samlast í frástøðu og ganga eftir Ovarugøtu og Niðarugøtu fram til bálið, har vit festa í við faklunum. Fyri at minka um smittuvandan njóta vit løtuna í frástøðu og her verður av somu orsøk eingin sangur og eingin røða.
Vit gleða okkum til hesa løtuna og biðja øll um at virða tilmælini.
Mikudagin 24 novembur kl. 19-21, er opið hús i býlingshúsinum, fyri stór og smá har vit fara at gera jóladekoratiónir. Bæði vaksin og børn eru vælkomin. Vit skaffa, grann, leir og okkurt annað. Tit kunnu taka tað við, sum tit ynskja. Vit bjóða ein drekkamunn, so leggi leiðina framvið býlingshúsinum 
Leygardagin 8. mai er árligi ruddingardagurin og vit fara at rudda og fríðka um inni á Gøtu.
Nógvu stormarnir í vetur síggjast aftur í grannalagnum og nógvastaðni er brúk fyri eini vinaligari hond at rudda, lúka og hampa um.
Vit møtast sum vant kl. 10 í Býlingshúsinum til kaffi/te, sunkist og kringlu. Í ár eru bæði rudding og nøkur løtt projekt á skránni, so jú fleiri vit eru, jú betri.
Vit enda ruddingardagin við at grilla pylsur kl. 13 í fríhorninum á Niðarugøtu undir Býlingshúsunum.
Vit vóna, at veðrið verður okkum til vildar og vónandi verða vit nógv at taka eina hond í.