Vit skulu minna á, at ársaðalfundurin hjá Eigarafelagnum Inni á Gøtu verður týskvøldið 6. mei kl. 20.

Eitt umboð í nevndini stendur fyri vali og vit hava funnið eitt nýtt umboð sum stillar upp. Uppskot til broyting í antennuskipanin verður eisini lagt fram.

Aftaná aðalfundin verður kunnað um tað seinasta nýggja við hitamiðstøðini.

Kom við og hav ávirkan á títt nærumhvørvi.

Ársaðalfundur verður IKKI sum áður lýst 22. apríl, men ístaðin 6. mei 2014 kl. 20 í Býlingshúsinum Inni á Gøtu.

Føstulávintshald verður í Býlingshúsinum leygardagin 1. mars kl. 14. Børnini verða deild í 3 bólkar til tunnuslátturin: undir skúlaaldur, 1-3 flokk og 4 flokk og eldri. Kaffi, te, sunkist og fastalávintsbollar vera at fáa eftir tunnuslátturin. Verið vælkomin smá sum stór!

Nýggjárshaldið byrjar nýggjársaftan kl. 21 við kyndlagongu frá vendiplássinum við Býlingshúsið. Gingið verður inn eftir Ovarugøtu og út aftur eftir Niðarugøtu, har endað verður við at seta eld í bálið í Klingruni.

Vit hava brúk fyri hjálp til fyrireiking av bálinum og blikkum. Hetta tekur uml. 1 tíma, um vit vera væl mannaði. Vit møtast við báliplássið kl. 13. Tikið verður ímóti brenni til bálið frá kl. 14 nýggjársaftan.

Gott Nýggjár!

Eins og undanfarnu ár koma jólamenn at vitja øll hús Inni á Gøtu, millum klokkan 10 og 14. Øll børn fáa pakkar

Vit hava keypt leyk til páskaliljur, krokus og minitulipanir at seta niður her Inni á Gøtu. Tað skal setast niður nú fyri at koma upp aftur til várs. Tit eru vælkomin eftir leyki í Niðarugøtu 44, at planta á felagsøkjum ella í egnum øki út móti vegnum, so tað verður til gleði fyri øll.

Vaktarlistin til Opið hús fyri veturin 2013/2014 er dagførdur.

Fótbólturin er byrjaður aftur, les meira her.

Gongufelagið hevur 2 túrar á skránni komandi vikuna. Leygardagin verður gingið í Hoyvík, meðan leiðin 2. hvítusunnudag er norðantil á Streymoynni.

Leygardagin 18. mai verður gongutúrur: Gøtan Inni á Gøtu og oman Ternrygg.

Byrjað verður inni á Gøtu kl. 14.30. Leið 2 fer úr Steinatúni kl. 14.15. Ein lættur túrur.

Les meira her: http://visittorshavn.tumblr.com/post/50417494901/gonguturar-hja-gongufelagnum

Ruddingardagur verður leygardagin 11. mei og tað verður massar á skránni. Vit møtast klokkan 10 í Býlingshúsinum til kaffi/te og okkurt søtt.

Síðani fara nøkur ta vanligu rutuna og rudda sítt øki. Onnur fara at flyta grót, sláa gras, planta trø, skrúva borð saman osfr. Klokkan 12 fara øll niðan aftur í Býlingshúsið har pylsuvognur verður og øll fáa eta og drekka.

Nýggja spæliplássið á vøllinum verður samstundis vígt tá. Vit vóna at øll, ung sum gomul, møta upp so hetta verður ein hugnaligur dagur.